Skip Ribbon Commands
Skip to main content

gov.mt

pr161457

PR161457

27/06/2016

STQARRIJA MAĦRUĠA MILL-UFFIĊĊJU TAS-SEGRETARJU PERMANENTI EWLIENI: Freephone li jindirizza kwistjonijiet lokali riżultat ta’ Brexit

Fid-dawl tal-aħħar żviluppi fir-Renju Unit u r-riżultat tar-referendum nhar il-Ġimgħa li għadda, il-Gvern, kif imħabbar mill-Prim Ministru Joseph Muscat, se jkun qiegħed jassisti lill-pubbliku fi kwalunkwe diffikultajiet jew mistoqsijiet li jista’ jkollu permezz tal-freephone 153.
 
Qed ikun antiċipat li jista’ jkun hemm domandi dwar kura medika li qed jirċievu ċittadini Maltin fir-Renju Unit, l-edukazzjoni ta’ studenti Maltin, pensjonijiet, Maltin li jaħdmu fir-Renju Unit jew inkella ċittadini Ingliżi li jaħdmu f’pajjiżna.
 
Għalkemm mhux mistenni tibdil qabel ma jibdew in-negozjati mal-Unjoni Ewropea f’Settembru li ġej, ikun għaqli jekk individwu jiċċara kwalunkwe dubji li jista’ jkollu fuq l-imsemmi freephone.
 
Minbarra l-freephone, individwu jista’ wkoll iżur wieħed miċ-ċentri reġjonali ta’ servizz.gov f’Raħal Ġdid, Birkirkara u l-Qawra jew jagħmel kuntatt permezz ta’ ittra elettronika fuq servizz@gov.mt