​
 

Il-Ministru għat-Turiżmu u l-Protezzjoni tal-Konsumatur Julia Farrugia Portelli ħadet nota tal-konklużjonijiet tar-rapport maħruġ mill-Kummissarju għall-Istandards fil-Ħajja Pubblika George Hyzler dwar il-każ miftuħ mill-organizzazzjoni Repubblika s-sena li għaddiet meta l-Ministru Farrugia Portelli kienet tokkupa l-kariga ta’ Segretarju Parlamentari fi ħdan l-Uffiċċju tal-Prim Ministru.

Il-każ kien jitratta l-intervista tagħha fi produzzjoni tal-Aġent tal-Programm ta’ Ċittadinanza b’Investiment (IIP) Chetcuti Cauchi.

Il-Ministru Farrugia Portelli tirrikonoxxi l-fatt li fir-rapport tiegħu l-Kummissarju għall-Istandards fil-Ħajja Pubblika jagħmilha ċara li l-aġir tagħha bl-ebda mod ma sar b’xi intenzjoni ħażina.

Aktar minn hekk, il-Kummissarju għall-Istandards fil-Ħajja Pubblika kkonkluda li l-fatt li l-filmati tneħħew huwa minnu nnifsu rimedju f’dan il-każ.

 ​

​​