Għajnuna Finanzjarja Biex Tiftaħ Negozju

 

Għajnuna Finanzjarja Biex Tiftaħ Negozju f’Malta

Qed titħajjar tiftaħ negozju? Ikklikkja
hawn għal informazzjoni prattika u links utli dwar l-ippjanar, l-immaniġġjar u l-iżvilupp tad-ditta tiegħek. Minbarra li ssib ħjiel u pariri siewja dwar kif tiffaċċja l-isfidi u l-problemi ta’ kuljum f’dan is-settur, issib ukoll informazzjoni dwar ir-regolamenti u l-liġijiet ta’ Malta, flimkien mar-rekwiżiti ta’ konformità b’rabta mal-attività kummerċjali f’Malta.

Minbarra dan, hemm ukoll programm ta’ intraprenditorija bl-isem
INT (Ibda Negozju Tiegħek) li huwa intiż għal min bħalissa m’għandux impjieg u jixtieq jiftaħ in-negozju tiegħu. Jekk dan huwa l-każ tiegħek, tista’ tissieħeb f’dan il-programm biex tirċievi taħriġ, pariri u konsulenza dwar il-passi li għandek issegwi biex tiftaħ u tirnexxi f’negozju, kif ukoll informazzjoni dwar l-għotjiet finanzjarji għad-dispożizzjoni. Ikun hemm ukoll kummerċjanti, negozjanti  u persuni esperti fis-suġġett li jiggwidawk u jgħinuk mill-esperjenza tagħhom biex inti wkoll tirnexxi fin-negozju tiegħek.