TOBBA TAL-FAMILJA
Jekk ma tkunx qed tħossok tajjeb/tajba, jeħtieġ li tara tabib. Tista' tmur għand it-tabib tiegħek jew iżżur spiżerija fejn ikun hemm kliniki tat-tobba. Jekk qed tfittex tabib speċifiku jew tixtieq issib id-dettalji tal-kuntatt ta' tabib partikolari, tista' tniżżel lista ta' tobba minn hawn.
KLINIKI U SPTARIJIET
F'Malta hemm sptarijiet u kliniki kemm pubbliċi kif ukoll privati.
L-Isptar Mater Dei fl-Imsida huwa sptar ġenerali għal mard serju u għat-tagħlim. Huwa joffri firxa sħiħa ta’ servizzi ta’ sptar u jipprovdi firxa estensiva ta' servizzi speċjalizzati. Għal aktar informazzjoni dwar l-isptar u għad-dettalji tal-kuntatt ikklikkja hawn.
L-Isptar Karin Grech f'Tal-Pietà huwa sptar tar-riabilitazzjoni. Ikklikkja hawn għal aktar informazzjoni.
Iċ-Ċentru tal-Onkoloġija Sir Anthony Mamo huwa sptar speċjalizzat għall-onkoloġija. L-isptar joffri kemm servizzi fl-isptar u outpatient. Għal aktar informazzjoni, ikklikkja hawn.
Ir-Residenza St Vincent de Paul f'Ħal Luqa toffri kura fuq perjodu ta' żmien twil. Tista' ssib aktar informazzjoni hawn.
L-Isptar Monte Karmeli f'Ħ'Attard huwa sptar psikjatriku speċjalizzat. Ikklikkja hawn għal aktar informazzjoni.
Għawdex hemm Sptar Ġenerali li jinsab ir-Rabat (Victoria). Dan huwa iżgħar minn Mater Dei. Aktar informazzjoni hawn.
L-RNH Mtarfa fl-Imtarfa u l-RNH Bighi fil-Kalkara f'xi żmien ukoll kienu sptarijiet.
