B'referenza għall-Istqarrija għall-Istampa Nr. 250294 ippubblikata fil-21 ta' Frar 2025, id-Dipartiment tat-Teżor iħabbar ir-riżultati finali li jinkludu d-dettalji tas-sottoskrizzjonijiet minn investituri mhux professjonali (retail) u l-allokazzjoni f'kull stock.
F'dan il-ħruġ, it-Teżor irċieva s-somma totali nominali ta' €602,269,400 minn investituri mhux professjonali u l-investituri wholesale flimkien, waqt li l-ammont tal-ħruġ kien ta' €300,000,000 soġġett li s-somma tiżdied b'ammont addizzjonali sa massimu ta' €150,000,000.
Sottoskrizzjonijiet minn Investituri Mhux Professjonali
Sad-data tal-għeluq fis-2.30 p.m. tal-Erbgħa, id-19 ta' Frar 2025, it-Teżor irċieva 3,509 applikazzjonijiet mill-membri tal-pubbliku fiż-żewġ Stocks tal-Gvern ta' Malta li kellhom valur nominali ta' €147,769,400. Kif tħabbar diġà, dawn l-applikazzjonijiet li saru taħt il-parti mhux kompetittiva tal-ħruġ bi prezz fiss imħabbar minn qabel ġew aċċettati kollha.
It-dettalji tal-applikazzjonijiet milqugħa u l-ammont aċċettat f'kull stock hu kif jidher hawn taħt:
| Deskrizzjoni tal-istock | Numru ta' Applikazzjonijiet | Allokazzjoni Nominali (€) |
| 3.00% Stock tal-Gvern ta' Malta 2030 (IV) bi prezz ta' €101.00 | 1,228 | 30,058,900 |
| | | |
| 3.50% Stock tal-Gvern ta' Malta 2035 (III) bi prezz ta' €100.50 | 2,281 | 117,710,500 |
| | | |
| Total ta' sottoskrizzjonijiet minn investituri mhux professjonali (retail) | 3,509 | 147,769,400 |
Irkant Kompetittiv – Wholesale Investors
Sad-data tal-għeluq f'nofsinhar tal-Ġimgħa, il-21 ta' Frar 2025, it-Teżor irċieva 64 offerta minn investituri wholesale fiż-żewġ stocks b'valur nominali flimkien ta' €454,500,000 li ġew allokati kif ġej:
| | Offerti sottomessi fl-Irkant | | Allokazzjoni | |
| Deskrizzjoni tal-istock | Nr. | Ammont Nominali (€) | Nr. | Ammont Nominali (€) |
| 3.00% Stock tal-Gvern ta' Malta 2030 (IV) | 32 | 206,000,000 | 13* | 81,500,000 |
| | | | | |
| 3.50% Stock tal-Gvern ta' Malta 2035 (III) | 32 | 248,500,000 | 25 | 220,500,000 |
| | | | | |
| Total ta' sottoskrizzjonijiet wholesale | 64 | 454,500,000 | 38 | 302,000,000 |
*Offerta waħda aċċettata parzjalment
Aktar tagħrif u informazzjoni jinsabu fir-Riżultati tal-Ħruġ tal-istock li ġew ippubblikati fuq is-sit elettroniku tad-Dipartiment tat-Teżor https://treasury.gov.mt/stock-tal-gvern-ta-malta/.
