Skont il-Kap 649 tal-Att dwar l-Awtorità għas-Sigurtà tal-Ikel, u f’konformità mar-rwol tal-Awtorità li tassigura t-trasparenza u l-għarfien pubbliku dwar kwistjonijiet relatati mas-sigurtà tal-ikel, l-Awtorità qed tinforma lill-pubbliku bl-informazzjoni li rċeviet permezz tas-Sistema Rapida tal-Ikel u l-Għalf, (RASFF), il-prodotti msemmija m’għandhomx jiġu kkunsmati minħabba li nstab li potenzjalment huma kkontaminati bil-“Listeria monocytogenes”.
Is-sintomi tal-infezzjoni bil-Listeria monocytogenes jistgħu jinkludu sintomi ħfief simili għall-influwenza, jew sintomi gastrointestinali bħal dardir, rimettar u dijarea. F’każijiet rari, l-infezzjoni tista’ tkun aktar severa, u tikkawża kumplikazzjonijiet serji. Xi nies huma aktar vulnerabbli għall-infezzjonijiet bil-“Listeria monocytogenes”, inklużi nisa tqal, trabi, u nies b’sistema immunitarja dgħajfa, inklużi l-anzjani. Il-perjodu ta’ inkubazzjoni (iż-żmien bejn l-infezzjoni inizjali u d-dehra tal-ewwel sintomi) huwa ta’ medja ta’ 3 ġimgħat iżda jista’ jvarja bejn 3 u 70 jum.
| Deskrizzjoni tal-Prodott: | Ditta | Numru tal-Lott: | Data tad-durabbiltà | |
| TACCHINO ARROSTO AL LIMONE 170g | Portami Via | 271/26 | 24/10/2026 | ![]() |
| POLPETTE DI CARNE AL SUGO 340g | Portami Via | 268/26 | 23/10/2026 | ![]() |
| INSALATA RUSSA 300g | Portami Via | 268/26 271/26 | 2/11/2026 5/11/2026 | ![]() |
| INSALATA DI RISO 200g | Portami Via | 272/26 | 27/10/2026 | ![]()
|
Il-konsumatur m’għandux jikkonsma dawn il-prodotti u huwa mitlub jew jarmi l-prodotti indikati jew jirritornahom lura minn fejn xtrahom.
Għal aktar informazzjoni, il-pubbliku jista’ jċempel lill-Awtorità għas-Sigurtà tal-Ikel fuq in-numru tat-telefon +356 26025000, mit-Tnejn sal-Ġimgħa bejn it-8:00 ta’ filgħodu u t-3:00 ta’ waranofsinhar, jew jibgħat email fuq l-indirizz
[email protected].
